Poi Hospital, ka samla Grade IV

Shillong,20 Nohprah:
Dang mynhynnin ka sngi la pynkit Hospital ia u wei u samla wad kam Grade IV uba la khie tlot namar ka jingshah thngan ba khlem sangeh kitei ki samla kaba la iaid mynta kumba saw sngi eiei. Mynta sa ka wei pat ka samla kynthei ka la khie tlot bad la pynkit ia ka mar-mar sha Civil Hospital na ka bynta ka jingsumar . Katei ka samla ba dang 25 snem karta ka dei kaba la tip kyrteng kum ka Salem Lamin. Watla ka jingshah thngan jogn kitei ki samla wad kam ka la iaid kumba 4 sngi eiei u President katei ka Synjuk jong ki u Bah T.Mylliempdah u la iathuh ba haduh mynta kam shym la don kano kano ka jingpatiaw na ki bor sorkar. Kitei ki samla ki La byrngem ba kin iai bteng ia ka jingshah thngan wat hapdeng ba ka jylla ka dang rakhe Khristmas.