Shillong: U Coach ka phutbol ka jylla, u Bah Bobby L Nongbet u la shah jied ban leit pyntbit shuh ha ka kynhun jong ki coach ba kynsai ha ka ri ka FIFA Elite Coaching Course ban long ha sor, Goa naduh lashai ka 17 haduh 22 tarik Nailur 2018.
Ia kane ka jingai jinghikai pyntbit ka wan shisien ha ka 3-4 snem ha India ban wan jinghikai ki riew shemphang ha ka jingialehkai phutbol.
Na ka liang u Bah Bobby u sngew kmen ban shah jied ban leit shah pyntbit shuh ialade ha kane ka rynsan, kaba kham iar ban ioh lad. Ha kane, baroh ki coach phutbol ka ri, kin wan ban iashim bynta.
Lah ban kdew ba u Bah Bobby u dei uwei na ki coach phutbol ba pawnam ka jylla, ha kaba u la don bynta ban hikai ne shim ia ka bynta jong u coach ka kynhun ba pawnam kane ka thain, ka Shillong Lajong FC.