Pynduh ing ba duk u BDO ia ki longing ba jied ka shnong

Shillong,18 Nohprah:
13 tylli ki longiing na ka shnong Patharkhmah kynthup ia u bah Elos Syiem, Livingstone Rani, Shondar Lyngdoh, Sarbarin Sangkli, Pyior Sangkli, CB Sangkli, Nai Makri, Pointries bad kiwei ki la leit ban ud ban nam sha u Bah Najim Kharmalki, u Sordar barim ka Patharkhmah, uba long ruh u Vice Chairman ka Western Ri Bhoi Development Council (WRBDC) ban iarap bynta jong ki namarba ka kyrteng jong ki ba ka shnong ka la phah sha ka Jirang C&RD Block na ka bynta ban ioh ia ka skhim ing ba duk ka Indira Awas Yojana (IAY) ka la jah noh bad la pynkylla ia ka kyrteng sha kiwei pat ki briew . U Bah Najim u la iathuh ba hadien ba kitei ki longing ki la wan ud wan nam ha u ma u bad kitei ki longing ki la leit sha ophis u BDO Jirang ban ia kren ia katei ka kam hynrei kaba sngewsih ka long ba u BDO um don hapoh katei ka ophis bad haba ki la pyrshang ban iakren bad u lyngbaka phone u la pyntip ba un ym don hapoh ophis namarba u hap ban pyndep ia kiwei pat ki kam bad um lah ban wan trei ha kine ki sngi.
Hadien ba kim ioh lad ban ia kynduh ia u BDO kitei ki longing ryngkat bad u Bah Najim ki la pyrshang ban kylli na ki nongtrei katei ka Block balei la pynduh noh ia ka kyrteng jong ki, bad ka jubab ba ki la ioh ka dei ba la pynkylla ia ka kyrteng jong ki da u BDO uba long u heh katei ka ophis ryngkat ka jingiangew jingmut lang bad ki nongmihkhmat katei ka thain. Shuhshuh la ioh jingtip ruh ba kynthup ia ka Patharkhmah ki la don haduh 297 tylli ki longing ki ba la ngat ha katei ka apot ha kaba kim shym la ioh ia ka skhim ing baduk jong ki. Kitei ki 297 tylli ki longing ki la byrngem ban leit tur sha ka ophis u BDO lada ki shah pyndduh noh iaka skhim ing ba duk kaba dei ka hok jong ki.