Kawei ka iit khmat, lah ban pynkylla 100 tylli ki rong

Shillong,17 Nohprah:
Ka jaka sumar khmat kaba die ruh ia ki iit khmat ba bun jait ka Titan Eye Plus, manla u snem ka ju wanrah ia ki kynja iit khmat kiba don ka jingiapher na kiwei pat ki kompeni die iit khmat mynta u snem ruh katei ka kompeni ka la wanrah sa ia kawei ka iit khmat kaba ki khot ka ‘Switchers’, katei ka iit khmat kaba tang kawei ka lah pat ban pynkylla haduh 100 tylli ki rong kaba ki paidbah nongpyndonkam ki sngewkwah ban pynkylla tang da kaba bujli ia ki 10 jur ki kynja lyngkhot kiba long ban sieh ha katei iit khmat. Ki don haduh 10 jur ki lyngkhot ba don ia ki rong bapher bapher bad lah ban pynkylla sha ki rong kiba ngi kwah tang da kaba tynsat ia ki lyngkhot ( kynja dieng) ha katei ka iit khmat.
Haba kren sha ki nongthohkhubor, u Area Manager katei ka kompeni u Amit Das u la ong ba kitei ki iit khmat ki dei Switchers Collection kiba ka kompeni ka la wanrah mynta u snem bad ka dor jong ki ka sdang naduh ka T.4995 tyngka. U la ong ruh ba katei ka jaka die iit khmat ka ai ka jingsumar khmat ei ia ki paidbah kiba wan sha katei ka dukan kaba la don ki nongsumar khmat bat bit kiba la pyndep ia ki jingpule kyrpang jong ki tang na ka bynta ban sumar khmat ( Specialist). U la kyntu ia ki paidbah ba kin wan ban peit da la ki jong ki khmat ia ki iit khmat ba katei ka kompeni ka don , u la ong ba ki don bun bun rukom ki kynja iit khmat naduh ki iit khmat kiba shu deng kai bad kiba ia dei bada ka jingpang khmat.