Shillong: Ka Wahingdoh ka la shah pynbam jem ha ka Laban SC shiteng dorjon ha ka lympung ialehkai First Division ka SSA kaba la long myn hynnin ka sngi ha madan Polo, Shillong.
Ka Laban ka la pynbam da 6-1 kol. U Victor Shadap ula thep 3 kol ha ka 8,70,76 minit na ka Laban bad u Eijingmut Lyngdoh u la thep ha 4 minit, Langsing Kharumnuid 59 minit bad u Baskhem Shanpru ha ka 86 minit katba ka Wahingdoh ka pynpahi shikol da u Zothanpuia Bawitlong ha ka 10 minit.
Hadien ba la shah thep ar kol ka Wahingdoh ka la iakhun tyngeh ban tur shakhmat bad tang hadien ar minit ka la pynphai shikol lyngba Zothanpuia Bawitlong ha ka 10 minit bad ka jingiakhun ha ka kylla step ka long ka Wahingdoh ka la tam da 2-1.