Shillong: Ka Rising FC ka la pynliem ia ka Nongkrem SC da 2-0 ha ka lympung First Division ka Shillong Sports Association kaba la long myn hynnin ka sngi ha madan Polo.
Ha ka jingialehkai, tang hapoh 6 minit, ka Rising la ioh ban thep ia ka kol da u Badonkura Marbaniang ban bat nam tam da 1-0 ha ka kylla step.
Ha ka kylla miet, ka Rising ka la ioh biang ia ka kol ba-ar da T Khriam ha ka 89 minit ban pynthi ban khur ia ka jingjop da 2-0.
Da kane ka jingjop ka Rising ka la khur lai point katba ka Nongkrem ka la hap ban leit phai iing thylli.
Ha ka jingialehkai second division, ka Riatsamthiah ka la pynliem ia ka Mawrungkeng da 2-0 kol. Ia kine ki ar kol na ka Riatsamthiah la thep da u Knerktilang Buam ha ka 2 bad 11 minit.
Ha ka jingialehkai third division ka Umpling ka la pynliem noh ia ka Madanryting da 1-0.
Kane ka kol nam jop jong ka Umpling ka la wan kol ba la thep hi da u rangialehkai ka Madanryting u Ashok Rana ha ka 12 minit.
Ha kawei pat ka jingialehkai ka Mawpat ka la pynliem da 3-0 ia kaQualapaty. Basuklang Bian na ka Mawpat ula thep ha ka 29 minit, u Banteinam K Kongor ula thep ha ka 31 minit bad u Ferryson Kharir ula thep ha ka 67 minit. Katba ka Mawshbuit ka la pynliem ia ka Umsohsun da 2-1 kol. U Gilbert Kharkongor na ka Mawshuit ula thep ha ka shim init bad u Iaishah Nongdhar ula thep ha ka 65 minit, katba ka Umsohsun ka la pynphai shikol lyngba u Gladness Swet ha ka 70+2 minit.