Shillong: Ka Imson FC ka la pylliem 4-0 ia ka Smit ha ka lympung ialehkai First Division ka SSA kaba la long myn hynnin ka sngi Palei ha ka madan Polo.
Ia kine ki saw kol ka Imson, la thep da u Oversharp Iawphniaw ha ka 16 minit bad Johny Tangsang ula thep ar kol ha ka 28 bad 49 minit bad u Thrainsing Khongiong ula thep shikol ha ka 29 minit.
Ka jingiakhun ka long mar iabiang bor pynban ka Smit kam lah satia ban thep kol hadien bun wat ba la pyrshang ban thep kol. Kane ka jingjop ka pyllong ia ka Imson ban khur pura lai point katba ka Smit ka la hap ban leit phai iing thylli.
Ha ka jingialehkai second division ka Lawsohtun bad ka Ryntih ki hap ban iasam mar shi point hadien ba ki la iakhaid khlem don mano mano ba ioh thep kol ha ki minit ialehkai.
Haba phai pat ha ka jingialehkai jong kaThird Division ka Krang ka la pynliem ia ka Pynthorbah da 3-1.
Ka nam jop jong ka Krang ka la wan lyngba ka hat trick u Nangshkem Shadap uba la thep lai kol ha ka 24,25 bad ha ka 26 minit lyngba penalty.
Ka Pynthorbah ka la thep shikol lyngba u Pynshai Lyngdoh ka 67 minit jong ka kylla miet. Ha kawei pat ka jingiakhun Nongmynsong ka la pynliem ia ka Nongsohphoh da 2-1.
U Beny Ksiar ula thep ha ka 11 minit bad Kordor Marthong ha ka 66 minit katba ka Nongsohphoh ka la pynphai shikol lyngba u Johnfranklin L Sangriang ha ka 6 minit.