Shillong: Ka jingialehkai ka State Level Inter School Football Tournament (Subroto Mukherjee Cup) 2018 2018 ka la iaid sha ka sngi kaba ar ha madan Polo, Shillong ba la pynlong da ka tnad ialehkai ka jylla.
Ha ka jingialehkai kiba hapoh 17 snem shynrang, ka Ri Bhoi ka la pylliem ia ka West Garo Hills da 3-0 kol, ka West Khasi Hills ka la pynliem ia ka East Garo Hills da 3-0, ka East Khasi Hills ka la iakhaid bad ka South Garo Hills khlem don ba lah ban thep kol bad ka South West Garo Hills ka la iakhaid bad ka North Garo Hills khlem lah ban iathep kol.
Ha ka liang ki kynthei pat ha ka u-17, North Garo Hills ka la shah pynliem ha ka West Khasi Hills da 1-4 kol, ka West Garo Hills ka la shah pylliem ha ka South West Khasi Hills da 0-4 kol, ka South Garo Hills ka la shah pylliem ha ka East Khasi Hills da 0-6 kol, bad ka East Jaintia Hills ka la pylliem ia ka East Garo Hills da 7-1 kol.
Ha ka jingialehkai ki shynrang ba hapoh 14 snem, ka South West Garo Hills ka la iakhaid bad ka South Garo Hills da 2-2 kol, ka South West Khasi Hills ka la shah pylliem ha ka East Khasi Hills da 0-3 kol, bad ka North Garo Hills ka la shah pylliem ha ka West Jaintia Hills da 0-2 kol.