Tura: La mih ki lad khubor ha kine ki sngi, ba ki kaikhlaw GNLA, kiba la pyndem wait, ki la leit phai biang sha khlaw bad ka daw ka long namar ba kam don satia kano kano ka jing iarap na ka sorkar ia kitei ki kaikhlaw, kiba la wan pyndem wait.
Ki dkhot ka GNLA, ha shwa ba kin pyndem wait:File Rupang
La iathuh ba ki don kumba 40-50 ngut na kitei ki kaikhlaw, kiba la leit phai noh sha khlaw bad la kynnoh ruh ba ka sorkar, ka ai jingiarap tang ia ki katto katne ngut ki nongialam jong ka GNLA bad kam shym la ai salonsar satia bad ka dei na katei ka daw, kaba la pynkhie bitar ia kitei ki dkhot jong katei ka seng kaikhlaw.
Ki lad khubor ki iathuh shuh shuh, ba ki nongialam jong ka GNLA, kin pynlong ia ka jingialang ha ka Sngi Palei ban wan, na ka bynta ban iakren halor katei ka jingjia, na ka bynta ban ioh jingshai na ki dkhot jong katei ka seng, kiba mad ia katei ka jingleh bym salia jong ka sorkar Jylla.