Bitar u MDC ba mih ka shnong ‘Nongkhardot’ ha Mawkhar

Shillong,15 Nohprah:
‘Nongkhardot’ ka dei ka shnong ka bym ju ioh sngew koit ba kan don hangne ha nongbah Shil long, hynrei katkum ka bill phiah konstitwensi thym mai ka KHADC katei ka shnong kaba ngi lah ban sngewthuh na ka kyrteng jong ka ba ka dei ka shnong ka shnong ba sah ki khar dot ka la rung kyrteng, bad ka la rung kyrteng syndon hapoh Mawkhar Konstitwensi. Ka jingrung kyrteng ka Nongkhardot ha Mawkhar ka la pynbitar jur ia u Bah James Ban Basaiawmoit MDC jong ka, ha kaba u la ieng ban pyrshah jur ia ka jingmih kyrteng katei ka shnong kaba ki thoh ka Nongkhardot ‘A’ , Nongkhardot ‘B’ bad u la phah ban pynkylla sha ka Khliehshnong bad Pdeng shnong bad u la ong ruh ba kam ju don kata ka Nongkhardot ha Mawkhar.