Nongstoiñ: Ka kynhun ialehkai jong ka Rasong FC kala ioh ban khur ia ka jingjop hadien ba kala lah ban pynliem noh ia ka kynhun ialehkai jong ka Athletico De Real FC da 1 kol la 0 ha ka jingiakhun jong ka lympung Rani Motors Knock out Football Tournament 2018 bala pyniaid da ka Laitkseh Sport Club (LSC).
U-Wanshemlang-L-Mawlong-jong-ka-Rasong-FC-u-bala-ioh-ban-khur-ia-ka-khusnam-MOM.
Katei ka jingiakhun jong kitei ki ar tylli ki kynhun kaba la long hynnin ka sngi ha ka madan Mawkynjoin Laitkseh kala long kaba ia biang bor bha bad ia katei ka 1 kol jong ka Rasong FC la ioh ban thep da u Wanshemlang L Mawlong ha ka minit kaba 45+2 jong ka kylla step.
Shuh shuh haba bteng biang ia ka jingiakhun sa ha ka kylla miet na ka liang jong ka Athletico De Real kala iakhun tyngeh ban ioh pynphai noh ia katei ka 1 kol hynrei kam shymla lah satia bad tad haduh ban da kut noh ka jingialehkai kala hap ban mad syndon ia ka nam rem.
Ha katei ka sngi ia ka nam rang ialehkai ba kynsai tam la ioh ban khur da u Wanshemlang L Mawlong jong ka Rasong u bala ioh ban thep ia ka 1 kol kaba kynsai bad kaba la long ruh ka kol ban nang pynskhem shuh shuh iala ka kynhun ha ka jingiaid lynti ha katei ka lympung.
Na ka liang jong ka LSc kala pyntip ruh ba ia ka jingialehkai ka ban bud kan long ha ka 3 tarik mynta u bnai ka ban dei ruh ka Sngi nyngkong ha kaba ka kynhun ialehkai jong ka United Youth FC kan iakynduh pyrshah ia ka Laban SC bad katei ka jingiakhun kan sdang ha kapor 2:30 PM.