Shillong: Kum shi bynta ban rakhe ia ka Youth Week 2018; ka Jingiaseng Samla Balang Presbyterian Mawlyngad ka la pynlong da ka jingpynkhuid shnong ha ka 27tarik Nailar 2018. Kane ka long ruh kum shibynta ban pynsah jingkynmaw ia ka jingdap 50 snem ka Jingiaseng Samla hapoh ka KJP Assembly. Lyngba kane ka jingpynkhuid shnong, ka Jingiaseng Samla Balang Presbyterian Mawlyngad ka kyrsiew thiah ruh ia ki para nongshong shnong ba kin long phikir bad adkar halor ka jingkhuid jingsuba jong ka shnong ka thaw bad ia la ki jong ki iing ki sem, ong ka kyrwoh ba la phah da u Secretary Jingiaseng Samla Balang Presbyterian Mawlyngad Bah B. Wankhar bad Bah J.F. Kharmalki, Asst. Secretary.
