Nongstoiñ: Ka seng HYC Lai Lyngdoh Area Unit hynnin ka sngi, ka la leit ban ia kynduh ia u Executive Engineer, ka tnad PWD (Road) Nongstoin Division, halor ka jingjot rathai kaba palat liam jong ka surok Kynroh sha Jaidoh, kat haduh ba ki taxi kamai kiba kamai ha ka thain Jaidoh ter ter ki la ia kynduh jing eh, namar katei ka surok kaba dei ka surok rong kala kylla kum ka surok khlaw.
Ka trok kaba la ngam bad sahkut ha surok Kynroh Jaidoh:Rupang
U samla Fullbackstar Shangrit President ka HYC Lai Lyngdoh Area Unit ha ka kyrwoh ba la phah, u la ong ba ha katei ka sngi na ka liang jong ka seng ka la aiti ruh ia ka jing thoh sha u EE, PWD bad na ka liang jong u EE u la kular ban sa phah leit jurip bniah khnang ban ioh pynbha noh ia katei ka surok.
Shuh shuh ka kyrwoh khubor na u tei u nongialam ka ong ruh ba u tei u ophisar ka tnad PWD u la iathuh ruh ba na ka liang jong ka ophis kala dep ban phah da ka jing tyrwa sha ka sorkar na ka bynta ban pynrung ia katei ka surok ha ka scheme PMGSY jong ka sorkar India, hynrei na ka liang jong ka seng ka kyntu ba wat la na ka liang jong ka ophis ka la dep ban phah, hynrei ka dei ka kamram jong ka ophis PWD ban phah maramot kyrkieh ia katei ka surok khnang ban weng noh ia ki jingeh ba ki paidbah ki ia kynduh ha baroh shi katta.