Shillong:Ka Shillong Lajong ka la jop da 1-0 ia ka Nangkiew Irat ha ka jingiakhun jong ka lympung Shillong Premier League kaba long mynhynnin ka sngi ha madan JN Stadium Shillong.
Kane ka kol kala wan lyngba ka shut bol ne penalty hadien ba u nongialehkai ka Nangkiew u la leh ia ka met pyrshah ia u nongialehkai ka Lajong kaba la jia ha ka khyllipmat ba khadduh artad shwa ban wai noh ka jingialehkai kata ha ka 94+4 minit. Ia kane ka shut bol la kynjat da u kapten ka Lajong u Samuel Lalmuanpuia uba khlem pynlehnoh ei ia kabu ban pynrung suk haka kol.
Ka Lajong kan pynkhreh mynta ban iakhun sa ia ka Rangdajied United ha ka 3 tarik Nailur ban wan.