|
Shillong: Ka Riatsamthiah bad ka Sohiong ki la iakhaid 1-1 kol ha ka jingiakhun jong ka lympung 2nd Division kaba long mynta ka sngi ha madan Polo, Shillong. U Iarborlang Ksiar ula thep na ka Riatsamthiah ha ka 67 minit katba ka Sohiong ka la pynphai kylla lyngba u Goenwell Mangiang ha ka70 minit. Ha ka jingialehkai third division, ka Umphyrnai la pynliem ia ka Lumpyngngad da 5-1. Ia ki kol na ka Umphyrnai la thep da u Homefrewell K Syiemiong ha ka 30 minit, Shano Taring ar kol ha ka 32bad 55 minit, u Amos Kharkongor 30 minit bad u Banshanlang Songthiang ha ka 42 minit. Ka Lumpungngad ka la pynphai shikol da u Felix L Kyndiah 45 minit. Ka Mawphlang ka la jop ia ka Rynjah da 2-0. U Rickson Nongsiej ula thep na ka Mawphlang ha ka 11 minit bad u Reykhel Mawlong ula thep ia ka kol ba-ar ha ka 39 minit. Ka Pohkseh ka la pynliem ia ka Golflink da 3-0 kol. U Pynsngain K Kongor na ka Pohkseh ula thep ar kol ha ka 18 bad 37 minit bad u Wankyrshan K Kongngor ula bynrap shikol ha ka 45 minit. |