Shillong: Hadien 18snem kynthih, ka Hima Mylliem kan pynlong ia ka dorbar Hima jongka, ha ka 7tarik Nailur 2018 ha madan Polo, ha ka por 11baje mynstep.
U Acting Syiem ka Hima Mylliem, U Pa’iem Ainam Manik Syiem, u iathuh ba la khot ia ka dorbar ba khadduh ha u snem 2000 bad u kyrmen ba kane ka jing pynkhreh ba mynta kan long kaba jop, da ka jing ia treilang bad ki bor pyniaid jong ka Khasi District Council.
La iathuh ba ki iew jong ka Hima Mylliem, ba kynthup ia ka Iewduh, kin khang ha katei ka sngi bad yn sa plie biang, ynda haba la wai ka dorbar.