Shillong:Ka MLP Veteran bad ka Umpling SC ki long artylli ki kynhun kiba la ioh ban khur iaka lai point hadien baki la ioh khur iaka jingjop haka jingialehkai jong ka PFR Veteran Cup ba la pyniaid da ka Pay For Right Shillong kaba la long hynnin ha madan Malki.
Haka jingialehkai kaba nyngkong jong ka Group C kaba la long hynnin hapdeng ka MLP Veteran pyrshah iaka Seng Rangbah Mawlai, ka MLP Veteran kala jop suk da 4 kol la nod. Iaki kol jong ka MLP Veteran la ioh ban thep da u Bah Andrew War, Bah Sunshine Pathaw, Bah Alexandre Klein bad u Bah Nicky Jyrwa. Katba haka jingialehkai kaba ar jong ka Group D ka Umpling SC kala lah ban pynliem noh iaka United Together da 3 kol la nod kol ha kaba u Bah Mathew Raj jong ka Umpling SC ula ioh ban thep arkol marwei bad u Bah Mark H.Blah ula ioh ban thep iaka shi kol jong ka Umpling SC.
Ka jingialehkai mynta ka sngi naka Group E ka Friends Utd kan ia khun pyrshah iaka Madan Heh Morning Mawlai haka por 2:30 janmiet bad naka Group F ka Mawshabuit Veteran Club kan ia khun pyrshah iaka Khliehriat Veteran thaka por 4 baje janmiet.