Shillong: Ka Umpling ka la pynbam shiteng dorjon ia ka Umsohsun da 6-0 kol ha ka jingiakhun jong ka 3rd division kaba long myn hynnin ka sngi ka SSS ha madan Polo.
U Chesterfield Pyngrope ula thep ar kol na ka Umpling ha ka 5 bad 55 minit, Arlangke Lapasam ula thep shikol ha ka 16 minit bad u Jerrymy Jyrwa ha ka 18 minit, u Aiban Wankhar ha ka 40 minit bad u Gedeon Pyngrope ha ka 49 minit.
Ha ka jingiakhun bad ba lai ka Mawshbuit bad ka Gorkha ki la hap ban iasam mar shipoint, hadien ba ki la iakhaid khlem don mano mano ba ioh ban thep kol.
Ha kawei ka jingialehkai, ka Mawpat ka la pynliem noh da 2-1 ia ka Madanryting. Ha ka jingiakhun ka Mawpat khlem poi pyrkhat la thep tang ha ka 4 minit ka jingialehkai lyngba u Bitdor Pyngrope bad ia ka kol ba-ar la thep da u Aibor Kharmujai ha ka 53 minit jong ka kylla miet.
Katba ka Madanryting ka la pynpahi shikol lyngba u Warren Mawlong bad leit phai iing thylli ha kane ka jingiakhun.
Ha ka jingialehkai Second Divison, ka Sohiong ka la pynliem ia ka Mawryngkneng da 1-0. Ia kane ka shi kol na ka Sohiong la thep da u Micky Malngiang ha ka 60 minit jong ka kylla miet.