Shillong: Palat 12 lak la ioh kurup pisa ha ka janmiet sngi Thohdieng, na thain Ranikor kaban sa thep vote ha ka 23 tarik Nailar.
Katkum ka khu bor na ki bor pyniaid elekshon ba peit ia ka Ranikor, ki pulit ka Rajaju kaba hap ha Ranikor civil sub-division ki la ioh kurup T. 12,86,000 na ki saw ngut ki heh spah.
Uwei u briew u rah pisa T. 6 lak hynrei la bynrap ba um don kano kano ka jingiadei bad kano kano ka party.
Hynrei kam don ka slip ba pyni ba la sei ia ka pisa bad ia kane ka pisa la phah sha ka kashari bad ka appellate committee ban eksamin ia kane.
Ka bor synshar ka South West Khasi Hills district ka la peit siar bha ia kano kano ka jingpyndonkam pisa ha kane ka elekshon shiteng samoi ha Ranikor, lyngba ki pulit wut wut ne flying squad.