Shillong: Ki pulit ka Special Police Unit for North East Region (SPUNER) kiba don ha Delhi ki la ioh ban pyllait im ia kawei ka khynnah kynthei kaba la shah byrngem ha Rajas than. Katei ka khynnah kaba la tip kyrteng kum ka Nidaio Susngi ka dei na ka shnong Nongbah, West Jaintia Hills bad ka dei kaba pule ha Aravali Institute of Technical Studies, Umarda ha Udaipur, Rajasthan.
Ka jingshah byrngem katei ka khynnah ka dei na ka daw ka jingiap jong uwei u para khynnah pule jong ka uba la bthah ia la ka jingim da kaba dih bih ha ka 4 tarik mynta u bnai bad u la kynnoh ba ka daw ka jingdkhat jubor jong u ia la ka jingim ka dei namar ka daw jong ka bad kumjuh u Director ka HOD, bad u nonghikai jong katei ka jaka pule.
Katei ka khynnah ka la ioh phone na ki briew kiba la kam ba ki dei ki bahaing jong u Sharma bad ki la byrngem ia ka, ka la shah leh tohmet ruh ha ka kynhun ki briew kiba wan da ka thuk thuk da kaba phah shong jubor ha kawei ka kali bad mar ia ioh jingtip ki pulit ka SPUNER na Delhi ki la leit sha Rajasthan ban tohkit bad ban pynthikna ban ym jia eiei ia ka.