Shillong: Ka Kong Meba risha Sohphoh kawei na ki longkmie kaba la ioh rah ia ka nam 1st runners -up ha ka jingiakob Miss and Mrs India International Global, 2018 ka la pynkhreh ban leit iakhun na ka Ri India sha ka Mrs Asia Tourism International Global, 2018 kaban long ha Philippines ha ki bnai ban wan.
Ka longkmie Mebarisha ka la ioh rah ruh ia ka nam sub-title kum ka Mrs Talented, kaba la long dang shen ha nongbah Guwahati.
Ha ka jingiakob ia ka Miss bad Mrs India International Global, 2018 ha nongbah Guwahati ha ka 12 tarik Nailar, ka Kong Mebarisha Sohphoh ka la rah ia ka nam ha katei ka jingiakhun bad ka la shim bynta ha ka jingiakob Mrs Glamour India, 2017 bad ioh ia ka nam 2nd runners up.
Ka Kong Meba risha Sohphoh ka dei kaba shong ba sah ha ka shnong Umsamlem, Ri-Bhoi district, Umsning bad ka long ka khun jong ka Kong Fabiola Sohphoh bad ka kurim jong u Bah Paulus Shadap.
Kum ka nongjop wat la kam shym la wan shakhmat hynrei ka sngewnguh ia U Blei, ia la ka kmie ka Kong Fabiola Sohphoh, ia la u kurim u Bah Paulus Shadap, ia ka Women Organisation ka Ri-Bhoi district, ia ki paralok paralok.