Shillong:Ka seng NEIPF, hapoh ka jingialam U Ma Yoomeki President jongka, ka la leit ia kynduh ia U President ka Meghalaya Cement Ltd ban iakren halor ka jingleh khlem rain jng uwei u shipai BSF ia kawei ka thei samla ha ka lad Goldstone.
Ha katei ka jingiakren mynta ka sngi, la maham tyngeh ia utei u nongialam Meghalaya Cement, ba un ai jaka ia ki BSF, ba kin sah hapoh katei ka kompeni bad ha katei ka jingiakren, la mynjur ban nym ai jaka shuh ia kitei ki shipai ba kin sah ha ki jaka sah jong kitei ki kompeni dewbilat.
Lah ban pynkynmaw, ba ha ka miet jong ka 8tarik Nailar 2018, uwei u shipai BSF, U Depenkar Ghosh, u mut ban bat bor ia kawei ka kynthei briew ha katei ka jaka kaba don hajan ka kompeni dewbilat.