Silchar: Shi taiew mynshwa, U Rajen Gohain, uba dei u myntri kam rel jong ka sorkar India, ula shah kynnoh, ba u bat bor ia arngut ki kynthei, halor ka nongrim ba u tyrwa ban ai kam ia ki; mynta pat ka la mih sa ka kyrteng jong ki lai ngut ki MLA, kiba la shah ujor halor katei ka kam bat bor kynthei bad ka jingdon bynta ha kaba die kynthei.
Kitei kiba la shah ujor hynnin ka sngi, ki long U Aminul Haq Laskar na ka seng BJP, U Kishore Nath (BJP) bad U Nizam Uddin Chaudhury (AIUDF). La iathuh ba kitei ki dei kiba ju leit khah khah sha katei ka iing kaba don ha Mehrpur Pushp Vihar Lane, kaba dei ka ktem bah jong ka jing pyniaid ia kitei ki kam khaii met.