Shillong: U bah Omar T Shangpliang u Commandant jong ka Border Wing, Home Guard, Mawdiangdiang, Shillong u la ujor sha ki pulit ba ha ka 5 tarik mynta u bnai ha ka por 9:30 baje myniet ki la don 4 ngut ki briew ha kawei ka kali kaba don ia u nombar ML-10A-9577 ki la leit sha Civil Defence & Home Guard complex bad ki la pynieng ia ka kali jong ki shabar ka khyrdop. Kham hadien 3 ngut na kiba shong ha katei ka kali kiba la tip kyrteng kum u Shaimanile Marboh (34 snem), Tebor Rymbi (35 snem) bad u Probert Louies Syiemiong (33 snem), ki la rung jubor shapoh jong ka khyrdop bad ki la shoh ia ki pulit kiba ap pahara ha khyrdop , ki la knieh ruh ia ka suloi jong kitei ki pulit bad hadien ba kitei ki pulit ki la pyrta briew la ioh ban kem noh ia ki.