Ka Shillong Lajong, ka la jop ha ka jingialehkai jongka pyrshah ia ka Sawmer Sports Club da 5-1, ha ka jingialehkai kaba long hynnin ka sngi ha JN Stadium.
Ka Lajong, ka la ioh ban thep ia ka kol kaba nyngkong ha ka minit kaba hynriew, da ka jingpynrung jar jong U Kenstar Kharshong, uba nion da ka khlieh sha ka jar jong ka Sawmer Sports Club. Ka kol kaba ar, ka wan na u kapten jong ka Lajong, U Sheen Sohktung ha ka minit kaba 20 jong ka jingialehkai.
Ka Sawmer, ka la ioh ban shut kawei ka penalty, lyngba U Rheadulf Nongneng ha ka minit kaba 67. Hadien kata, U Phrangki Buam, ula ioh thep ia ka kol kaba lai jong ka Lajong bad hadien kata sa U Mahesh, uba la thep ha ka minit kaba 88 bad U Phrangki Buam, ula ioh thep ia ka kol kaba ar jongu ha ka 90+2. Ka Shillong Lajong kan ialeh ia kawei pat ka jingialehkai jongka, ha ka 9tarik Nailar pyrshah ia ka Meghalaya Police.