Shillong: Ka Umpohliew Jingtip SS ka la pylliem ia ka Sacred Heart HSS da 2-0 kol ha ka jingiakhun jong ka lympung District Level Subroto Cup 2018 jong ki khynnah ba hapoh 14 snem ba pyllong da ka ophis u District Sports Officer (DSO) ka East Khasi Hills kaba dang iaid ha madan Polo haduh hynnin ka sngi.
Ha kawei ka jingialehkai, ka Iewrynghep SS ka la pylliem ia ka St Anthony HSS da 5-2 kol, katba ka OM Roy Memo. HSS ka la pylliem ia k St Paul HSS Marbisu da 1-0 kol.
Ka Mawsadang SS ka la shah pylliem ha ka United Christian SS da 2-4 kol lyngba ka tie-breaker bad ka H Elias HSS ka la pylliem ia ka District War Sepngi HSS da 1-0 kol.
Ha ka jingialehkai jong ki shynrang ha ka hapoh 17 snem, ka H Elias HSS ka la pylliem kput ia ka Mixo Prebesterian HSS da 9-0 kol, ka Shillong College ka la pylliem ia ka Tyrsad HSS da 1-0 kol, ka OM Roy Memo. HSS ka la pylliem ia ka Rev JJM Nichols Roy da 6-0 kol katba ka Sacred Heart HSS ka la pylliem ia ka United Christian SS da 2-0 kol.