Wad ktem ki BSF sha Pommura, ong ka KSU

Shillong, 8 Nohprah:
Ka KSU Mawryng kneng Circle ka pyrshah jur iaka jingthmu thied khyndew ka tnat shipai BSF ha bynta jong ka Shnong Pommura bad Mawryngkneng, ha kaba katei ka seng, ka la ioh jingtip ruh kaba tikna badon bun ki Khasi ba ba pynwad Khyndew iaki Tnat shipai da kaba ioh jingsiew ha kador kaba rem kiba khein khlem salia tang ban biang ka shimet. Ia kane lalah ban pyntikna hadien baka Tnat shipai Border Security Force, kaba don ha Mawpat, ka la pynpoi shithi ban kyrpad ban wai jingmynjur na ka dorbar Shnong Pommura, na ka bynta ban shna ktem, hynrei ka Dorbar Shnong kala kyntait mardor ban ai jingmynjur bad ha katei ka shithi la iathuh baka tnat shipai ka donkam ban tei Hospital, Skul, madan ialehkai (Footbal ground) bad ki jaka kilan met (Indoor game+out door game) bad kiwei ki Jaid jing donkam bapher bapher.
Haka jingshisha kino kino ki tnat shipai ki dei ban buh ktem sha jaka Khappud ym ban buh ktem ha shnong ha thaw ne hapdeng ka Nongbah namar bunsien da kajingdon ki ktem shipai kala pynkha shibun ki jingeh bad jing shitom ia u Paidbah bad ka jingdon ki ktem shipai kam don jing myntoi eiei ruh em kawan rah pynban ka jingshitom kaba khraw haka imlang sahlang naka jing pynthud ki shipai la kalong haka iaid ka ieng, ka trei ka ktah bad jingklun jaka jubor.
Haka juh kapor ka seng ka maham jur ia ki nongthied khyndew iaki tnat shipai bad kidei ban sangeh mardor ban leh kum kine ki Jait kam kaba ktah kylla ia u paidbah bad lada ki bteng ban pynwad jaka, ia ki shipai ka seng kam banse ban ainoh da ka jing sneng kaba tyngeh khnang ba kin thngad bad kut noh ka jing rhah spah bym hok.