New Delhi: U RS Sharma, uba dei U Chairman jong ka Telecom Regularity Authority of India (TRAI), ula pyni paidbah ia u number Aadhar jongu ha ka twitter bad u da kob briew ruh, ba kin pyndonkam bakla ia u number jongu.
Mar kumta ki snar rung tuh, ki la wad bad wut bad wut ia ki jingshisha, kiba iadei bad utei u aadhar number bad ki la lap ia ka account number jong U Sharma bad ki la thep pisa ruh shi tyngka ha ka account jongu.
Ym tang katta, ki la don kiba rung tuh bad kiba la sei paidbah ia ka telephone number jong U Sharma, ia ka jaka sah jongu, ia ka dur jongu, kaba u buh ha whatsapp, ka number jong ka kyrteng thep vote jongu.
Ia kitei ki jingshisha, la lap da uwei na ki stad rung tuh ia ki aadhar number, U Elliot Alderson.
Ym dei tang U Sharma, hynrei ki don ruh sa kiwei ki stad rung tuh, kiba la lah ban thaw ia ka Identity Card ba shu thok jong U Sharma, kiba la thep pisa biria shi tyngka ha ka account jongu.