Khliehriat: Ka seng MPUF-EJHD (Meghalaya people’s United Front East Jaintia Hills District) ka la lap ba u wei u bar jylla u la pyniaid beain ia ka dukan jong u kaba don ha thain Ladrymbai mar jan ka stand Shillong bad Stand Jowai, da kaba u tei u bar jylla u la pyndap lyer shet, ha ka dukan jong u hi. Katei ka jingleh u tei u bar jylla ka buh ia ki para marjan dukan bad u, khamtam iaki paidbah ha ka jingma bakhraw, namar lada don ka jingbakla ha ka por ba leh pyndap ia ki tyndong lyer, ki lah ban bthei. Ym tang katta u tei u bar jylla u la leh ruh ia ki kam beain namar wat ia ka licence ruh umdon ban leh ia ki kam pyndap lyer shet, namar ban leh iaka tei ka kam u hap ban ioh ia ka licence khnang ba un lah ban leh ia katei ka kam bad tharai wat ka trading licence ruh u tei u bar jylla um don, ong shuh katei ka kyrwoh.
