Shi bnai ai por ka Kashari, ia ki nongiakhih ILP

Shillong, 4 Nohprah:
Ka Kashari kyrpang ne ka Special Court ka la ai por shi bnai ia ki nongialam sengbhalang kiba iakhih ban dawa ia ka ILP ba kin wan ban ai jubab halor ki kes ba la ujor pyrshahy ia ki halor ki jingjia bapher bapher ha ka por ba la pynElong ia ka jingiakhih ha kine ki bnai la dep. Ka Kashari Kyrpang ka Special Court jong ka magistrate R Rymbai ka la buh ia ka 7 tarik Kyllalyngkot 2014 kum ka tarik ban wan thep ia ka jubab da ki nongialam sengbhalang.
Ka Kashari Kyrpang ka la sdang ban sngap ia ki 28 ngut ki nongialam sengbhalang jong ki 14 tylli ki sengbhalang ba la ujor halor ka jingkynnoh ia ka jingpynjulor ia ki mara ki mata ba ki pynlong jingiakhih.
Na ka liang ka sorkar, la ujor da u Under secretary political Bah B Khongwir.
Napdeng ki sengbhalang, dei tang ki nongialam ka CSWO kynthup ka president kong Agnes Kharshiing bad ka general secretary Kong W Thabah kiba leit ban ai juba ha ka Kashari Kyrpang ha kane ka sngi Hatmajai.
Ka sorkar Meghalaya ka la ujor pyrshah ia ki nongialam sengbhalang ba kin buria ia ka jingduh kaba la kot T. 31.09 klur.