Shillong: Ha ka 17 tarik mynta u bnai kawei ka longkmie kaba la tip kyrteng kum ka kong Dolly Tohtih ka la kha khun hapoh kali 108 Emergency service . Ha katei ka janmiet ka 108 ka la ioh ia ka phone ba ka don ka longkmie ar met na Bhoirymbong CHC ka bym shym la lah kha bad donkam ban kit ia ka sha Shillong. Kumta ka 108 ka la leit ban kit ia katei ka longkmie kaba 32 snem karta hynrei ka la kha noh pynban ha shiteng lynti hapoh katei ka kali kit nongpang ha ka por 8:30 baje mynmiet. Katei ka longkmie ka la kha da i khun kynthei bad ka shait ka khlain bha bad i khyllung ruh kumjuh, la pynkit biang ia ka sha Bhoirymbong CHC.