Bynthiew bad ka kyrniom, thang ia ka tyngshop U Mukul

Shillong,1 nohprah:
Khyndiat minit shuwa ban sdang ka jingialang ki paidbah ki la pynieng ia ka tyngshop kaba la shna ha ka dur jong u Dr.Mukul Sangma Myntri Rangbah ka jylla bad da ka jingbitar shuwa ban ai ding ia u ki la kynjat, kyrniom bad ka bynthiew ryngkat ka tim ka kynphuit. Hadien ba ki la sngew hun ka kyrniom ki la ai ding ia katei ka tyngshop kaba la ing khong ryngkat ka jingiakynhoi risa artad. Napdeng u paidbah ba bun la mih ki jingpyrta ba bunjait ban kren pyrshah ia u Dr.Mukul Sangma don kiba ong ba u dei uba iambait don ruh kiba ong ba u dei uba dakaid,don ruh kiba ong ba u dei u khar Muslim. Ki la ia pyrta ia ka sur ‘No ILP No Rest’ bad ‘Down down Mukul’.