10 sngi yn tohkit ia ki KSU Laban

Shillong,1 Nohprah:
Ha ka sngi thohdieng ba la dep , ki pulit ki la i kem ia saw ngut ki dkhot ka KSU, ar ngut la kem na Lad Kshaid Elephant Falls katba ar ngut pat la kem na Nongstoin. U Readyonstone Nongrum u dei u General Secretary ka KSU Lawsohtun Unit bad u dkhot ka Laban circle uba la shah kem ryngkat bad u Shemphang Nongkynrih u dkhot ka KSU Lawsohtun unit. Katba ar ngut pat ki long u Peter Lyngkhoi na Lawsohtun bad u Johny Sohkhlet na Lawsohtun, la kem ia ki halor ka jingkynnoh ba ki dei kiba la donkti ha ka bana kawang petrol bomb ha dukan sha jong uwei u bar jylla uba la mynsaw jur. U SP ka East Khasi Hills u Bah M Kharkrang u la iathuh ba ia kitei baroh saw ngut la aiabor ba kin don 10 sngi ha ka jingtohkit ki pulit.