Najan Kshaid Hati, shah kem u GS KSU Lawsohtun & 2 na Nongstoin

Shillong,29Naiwieng:
Ar ngut ki dkhot ka KSU ki la shah kem ha Kshait hati, 7 mer Upper Shillong katba ki dang wan phai na Nongstoin, la kem ia ki ha ka por 4 baje janmiet mynta ka sngi bad la ioh kem ia ki katba ki dang shong ha kawei ka sumo kamai.
Kitei ki ar ngut ki dkhot ka KSU ba la shah kem ki dei ki dkhot jong ka KSU Lawsohtun Unit ,Laban Circle. U Readyonstone nongrum, 23 snem karta u dei u General Secretary ka KSU Lawsohtun Unit bad u dkhot ka Laban circle, u dei uba shong ba sah ha Lawsohtun block IV. Uwei pat u dei u Shemphang Nongkynrih,27 snem karta u dei dkhot ka KSU Lawsohtun Unit. U SP ka East Khasi Hills u la iathuh ba la kem ia kitei ki ar ngut halor ka jingdonkti jong ki ha ka jingjia pyntriem kaba la jia ha Rilbong.
Sa ha kawei pat ka khubor, ki pulit ka Nongstoin PS mynta ka sngi ki la ioh kem ia ar ngut ki samla kiba la kynnoh ba ki dei kiba la donkti ha ka jingkawang Petrol Bomb ia kawei ka dukan sha jong u bar jylla ha Bishnupur ha kaba utei u trai dukan u la mynsaw jur bad mynta u dang don hapoh ka jingsumar ha Guwahati. Kitei ki 2 ngut ki samla ba la shah kem ki dei kiba shong ba sah ha Lawsontun. Kitei kiba la shah kem ki dei kiba la tip kyrteng kum u Peter Lyngkhoi,26 snem karat uba sah ha block 2 bad uwei pat u Johny Sohkhlet, 26 snem uba sah ha block 1,Lawsohtun.
U SP ka East Khasi Hills u Bah M Kharkrang u la iathuh ba la kem ia kitei ki ar ngut namar ka jingdonkti jong ki ban kawang petrol bomb ia kawei ka dukan sha kaba don ha Bishnupur. U la iathuh ruh ba hadien ba ki la leh ia katei ka kam kitei ki samla ki la phet rieh ialade sha Nongstoin, bad dei hadien ba ki pulit ki la ioh jingtip ba ki la phet rieh sha Nongstoin, ki pulit ka Nongstoin ki la khynra ha ki jaka rieh jong ki bad la kem ia ki.