Shillong:Ka Cabinet Committee on Economic Affairs (CCEA), ka la mynjur ban kyntiew ia ka dor die (MSP) ia ki jingthung kiba mih ha la ki jong ki jong ki aiom (Kharif crop)na ka bynta ka samoi 2018-19.
Ka jingkyntiew ia ka MSP jong ki kynja dai da T.1400 shi quintal bad ka dor jong u dai kan long T.6,975, katba ia ki tiew sngi (Sunflower) da T.1288 shi quintal, ha kaba ka dor jongki kan long T.5,388 shi kwintal, katba ia u riew hadem, yn pynkiew da T.275 shi kwintal, ha kaba ka dor jongu, kan long T. 1,700 shi quintal, katba ia u kba kan long T.200 shi quintal lane ka ban long T.1,750 bad T.1,770 shi kwintal, katba ia u soyabean ka dor ka long T.349 shi kwintal lane T. 3,399 shi kwintal.
Ka jing pynkiew dor jong ka kynhun myntri mynta ka sngi, kam shym kynthup satia ia kiwei pat ki mar rep jong ka Ri Khasi Jaintia, kiba kynthup ia U Phan, U Sying, u shynrai bad sa shibun kiwei de ki jait soh, kum u sohniamtra, u synsar, u sla tyrpad bad ki jhur kiba bun jait, kim shym la hap satia ha katei ka dor kyrshan jong ka sorkar India ia ki nongrep.