U Christiano Ronaldo bad U Lionel Messi, ki la hap leit phai iing noh, haba ki la shah pynliem hynnin ka miet, ha ka jingialehkai World Cup hynnin ha Russia.
Ka Argentina, ka la shah pynliem ha ka France, da 4-3, ha kaba ka ia kol kaba nyngkong la ioh thep da U Antoine Griezman da ka jingshut penalty ha ka minit kaba 13 bad hadien kata sa U Benjamin Pavard ha ka minit kaba 57 bad nangta sa U Kylian Mbappe ha ka minit kaba 64 bad 68, katba ka Argentina, ka la ioh thep 3 kol, lyngba U Angel Di Maria, ha ka minit kaba 41, U Gabriel Mercado, ha ka minit kaba 48 bad nangta sa U Sergio Ageuro, ha ka minit kaba 90+3.
Ha kawei pat ka jingialehkai ka Uruguay, ka la pynliem ia ka Portugal da 2-1, ha kaba la thep ia baroh ki kol da U Edinson Cavani, ha ka minit kaba 7 bad kaba 62, katba na ka liang jong ka Porgutal, la ioh thep da U Pepe shi kol, ha ka minit kaba 55.
Da ka jingshah rem hynnin ka miet, ka Argentina bad ka Portugal, ki la hap ban leit phai iing noh, katba ka Uruguay bad ka France, ki la rung sha ka Quarter Final.