Ka Germany, ka la lah ban khyllie ia ka jingjop jongka, pyrshah ia ka Sweden, ha ka jingiakhun hynnin ka miet, da 2-1 ha ka jingialehkai World Cup ha Russia.
U Toni Kroos, uba dang pynpaw ia ka jingkmen, ha ka jingioh thep ia ka kol jingjop jong ka Germany.
La ioh thep da U Tony Kroos, ia ka kol jong ka jingjop ha ka minit kaba 95 jong ka jingialehkai. Ha shwa jong kata, u nongialehkai jong ka Germany, U Jerome Boateng, ula shah beh noh bad katei ka la buh jingeh shibun ia ka Germany, ba kan iakhun tyngeh ha ka jingiakhun kaba jubor justi ha ka Group F.
Lyngba ka jingjop jong ka Germany hynnin ka sngi, ka plie lad ba kan iakhun tyngeh ban poi shakhmat bad kan hap ialehkai bha ha ka jingialehkai, kaba kan ia kynduh bad ka South Korea.
Ha kawei pat ka jingialehkai ka Belgium, ka la lah ban pynliem ia ka Tunisia da 5-2 bad katei ka la ailad ia ka Belgium, ba kan rung da kaba suk sha ka jingialehkai knockout.
La ioh thep ia ka kol kaba nyngkong na ka liang ka Belgium, lyngba ka jingshut Penalty jong U Eden Hazard bad hadien kata, la pynbud sa ki ar tylli ki kol jong U Romero Lukaku bad ha ka jingialehkai U Hazard, ula ioh the par kol bad U Michy Batshuayi, u ioh thep shi kol ha ka minit kaba 90.