MLA mih ban kren ILP:HNYF

Shillong, 24 Naiwieng:
Ka HNYF Western zone ki la ther ia ki MLA kiba kren arsap tang na rieh hynrei ki bym nud saham eiei hakhmat u Mukul Sangma.
U President ka HNYF Western zone u Bah KS RAni u la onng ba ka jingmih ha ki katto katne ki kot khunor ba na ka liang ki MLA ki pynpaw ka jingsngewhia halor ka jingiakhih ia ka ILP kim dei ban shu kren harieh hynrei ki dei ban pynpaw shai ha ba shit bashai lada ki sngewkhia shisha ia ka jaidbynriew.
U la ong ba ka jingkren jong ki MLA kumba la paw ha ki kot khubor ka dei ka jingkren arsap namar ba la jan ka elekshon tang ban pynbiej ia u paidbah. “ha ka jingshisha lada ki kyrshan ne ki pyrshah ia ka ILP ki dei ban sei ban kren ha ki paidbah halor ka ILP hynrei kumba ka paw haba ong u Mukul hooid ILP, ki ong hooid lada ong u Mukul em ki ong em kum u maw sawa”, la ong u Bah Rani.
U la ong ba balei kik MLA ha kine ki sngi ki sngap man man hynrei ha kine ki sngi ba la jan ka elekshon ki la pynmih sur hynrei u la kyntu ia ki paidbah ba kim dei ban beij ia ki.
Kane ka jinglong jong ki MLA la paw shai haba ki paidbah ki pan da ka ILP, u ai da kata ka ain Tenancy Bill kaban pynlong mraw ia ki trai jaka, bad kane ka long thik kumba pan da u kpu, u ai pynban da u maw ka bym iahap eiei ruh, u la ong u Bah Rani.
U Bah Rani u la kyntu ia ki paidbah ba kin iawan ban kyrshan ia ki sengbhalang ha ka jingialang ban long ha ka 30 tarik mynta u bnai ban pynkhlain ia ka jingdawa ban pyntreikam noh ia ka ILP ha kane ka jylla.