Ka Nigeria ka la pynliem ia ka Iceland da 2-0 ha ka jingiakhun ha ka sien kaba ar ha ka jingialehkai World Cup na ka Group D kaba la long mynta ka miet. Kitei ki 2 kol jong ka Nigeria la ioh ban thep da u Ahmed Musa ha ka kylla miet ha ka minit kaba 49 bad 75. Da katei ka jingjop ka Nigeria mynta ka la ioh khur 3 point.
Na katei ka Group D ka Crotia ka dei kaba ioh khur bun point tam 6 point kaba la jop ha baroh ar tylli ki jingiakhun ba ka la dep. Ka Nigeria ka wan ba-ar da 3 point katba ka Argentina bad ka Iceland ki dang ioh dang mar shi point. Da ka jingjop jong ka Nigeria ia ka Iceland ka la buh jingkyrmen ia ka Argentina ban rung sha ka Round of 16 bad katei ka long lada ka jop ha ka jingiakhun ba khadduh ia ka Nigeria bad lada ka Iceland kan shah rem ha ka Crotia.