Ka Brazil, ka la pynliem ia ka Costa Rica, ha ka jingialehkai mynta ka sngi, ha ka Group E, da 2-0.
U Neymar, uba la kyllon, namar ba u shah ngiat ha u nongialehkai ka Costa Rica.
Ka jingialehkai, ka long kaba satar shibun eh, ha kaba ym shym la don ba ioh ban pynrung jar ha ka kylla step bad wat kumjuh ruh ha ka kylla miet jong ka jingialehkai, wat la ka Brazil ka la ther tyngeh ban thawlad ban ioh pynrung jar sha ka liang jong ka Costa Rica.
Ha ka minit kaba 77, ka la don ka rai jong u rephri ban shut penalty ia ka Brazil, haba U Neymar, ula shah ngiat ha u Giancarlo Gonzalez, u nongap dien jong ka Costa Rica, hynrei ynda haba la peit biang ha ka video (VAR), la lap ba kam dei satia ban shut penalty.
Hynrei ha ka minit kaba 90+1 U Coutinho, ula ioh ban thep ia ka kol ba nyngkong bad mar kumta hi ha ka minit kaba 90+7, U Neymar, ula ioh ban thep sa ia ka kol kaba ar bad katei ka la pynlong ia ka Brazil ba kan jop da 2-0 bad ka Costa Rica, ba kan hap ban leit phai iing noh.