Ka France ka la ioh ban rung suk sha ka 2nd Round ne ka Round of 16 ha ka FIFA World Cup 2018 kaba long ha Russia. Ka France ka la jop arsien kynthih na ka Group C, ha ka jingiakhun ba nyngkong ka la pynliem ia ka Australia da 2-1 katba ha ka jingiakhun kaba-ar kaba la long mynta ka miet ka la pynliem ia ka Peru da 1-0. Katei ka shi kol jong ka France la ioh ban thep da u Kylian Mbappe ha ka minit kaba 34.
Ha ka jingialehkai na katei ka juh ka Group kaba la long mynta ka sngi, ka Denmark ka la ia khaid bad ka Australia da 1-1. Ha katei ka jingiakhun ka Denmark ka la ioh an pynkhih jar nyngkong ha ka minit kaba 7 lyngba u Christian Eriksen hynrei ha ka minit kaba 38 ka Australia ka la ioh ban pynphai kylla lyngba ka Penalty ba la shut da u Mile Jedinak. Ka Denmark ka dei ka kynhun kaba wan ba-ar hadhu mynta bad ka ioh khur 4 point katba ka Australia pat ka ioh dang shi point.