Bitar ka MPUF, ba lip ding khah khah

Jowai, 25 Naiwieng:
Ka seng Meghalaya People United Front – Central Governing Body (MPUF-CGB) lyngba kane ka kyrwoh ka pynpaw ka jingbitar kaba jur ia ka Me.E.C.L halor ka jinglip jong ka bording ba khah khah da ki bun bun kynta khamtam ha kine ki por ba baroh ki samla pule ki dang ia pynkhreh ia ki eksamin bapher bapher jong ki bad kumjuh ruh ia ki briew kiba leit donkam sha ki ophis sorkar bapher bapher kiba pyntrei kam lyngba ki kor computer bad kane ka ktah eh shibun ym tang ia ki samla pule hynrei wat ia kiba bun balang hi ruh. Te kumta kum ka seng kaba sngewkhia ia ki jingeh jong u paidbah lyngba kane ka kyrwoh ka pynpaw ka jingbitar kaba jur ia ka Me.E.C.L bad ka kyntu ruh ia ka ba ka dei ban pynbiang noh mardor ia ka bording nangne shakhmat lym kumta ka seng kam banse ban shim noh da kawei ka rai, ong ka kyrwoh na ka seng.