Pyllait kot u myntri rangbah ba ar

Shillong, 25 Naiwieng:
U bah Rowel Lyngdoh uba long u myntri rangbah ba ar jong ka sorkar jylla, u la pyllait paidbah ia ka kot ba la ai kyrteng “Parliamentary Democracy in India: Experiences and Prospects” ba la pynmih da ka Synod College, Shillong ha ka 25 tarik u Naiwieng 2013 ha ka prokram ba la pynlong ha Conference Hall jong ka College. Katei ka kot ka dei ka thup jong jong 13 tylli ki paper ba la noh synniang da ki riewshiphang bapher bapher ha ka National Conference ba la pynlong ha u bnai Jylliew,2012. Ia katei ka kot la pynbit pynbiang da ar ngut ki samla kata u Batskhem Myrboh bad u Airpeace W. Rani kiba long ruh ki nonghikai jong ka Synod College. Kiba la wan sha katei ka prokram ka kynthup ia ki nonghikai, ki nongialam niam, ki nongialam seng bhalang bad ki khynnah pule.