Jowai: Ar ngut ki briew ki bym pat lah ban ithuh ki la duhei ia la ka mynsiem ba kordor hadien ba ka trok ka la hap sha riat kaba jrong haduh kumba 300 phut eiei ha Rattacherra, East Jaintia Hills mynta ka nohphai sngi.
Ki pulit ka EJH ki la iathuh ba katei ka trok kaba thylli ka dang wan na thain Silchar bad ynda poi ha kawei ka jaka hajan ka shnong Rattacherra, katei ka trok ka la hap sha riat bad hadien la iohsei ar tylli ki metiap kiba la suba jur ba ki dei u Driver bad u Handyman (nongbud) jong katei hi ka trok kaba don ia u No. ASO1AC 9575.