Shah kura u draibar ka Minister, ha U Dy SP Tang naba iaknieh pas kali ha Nongpoh

Shillong, 22 Naiwieng:
Ha ka jingjia ba sngew kyndit, u Deputy Superintendent of Police (Dy SP) Nongpoh u BJ Laloo ha kane ka janmiet sngi Thohdieng la kynnoh ba u la kura ia uwei u nongniah kali ba iaid na Guwahati- Shillong namar ba u knieh pas.
Utei u heh pulit la kynnoh ba u la kura ia u Donbok uba dei u nongniah kali jong ka myntri ka Social Welfare ka Deborah Marak ha Nongpoh.
Ka Deborah Marak ha ba iakren bad u nong thoh khubor ka iathuh ba u nongniah kali jong ka u dang wanphai na william nagar sha shillong hynrei katba u dang knieh pas ia ka kali jong utei u Dy SP ha Umsning, u la shah beh thong bad shah khang kdong ka kali jong u bad mar kumta utei u heh pulit u la shoh ia u bah Donbok, ha ka ba u la mynsaw jur bad mynta u don ha ka jingshah sumar ha civil hospital ha shillong.
La iathuh hadien ba u Dy SP u la shoh la dat ha surok u la ialam ia u bah Donbok sha thanat ha ka ba u la shoh la bom ha ban da jem jai.
Ka kali (ML 07B 2345) ka dang wan na Williamnagar sha Shillong, kaba dei ka constituency ka Deborah Marak .
La iathuh ba ka myntri kaba don mynta sha New Delhi kan bthah ia ki briew jongka ban leit ujor FIR pyrshah ia utei u heh pulit bad bynrap ba la bthah ia u DGP ba un tuklar ia katei ka kam.