Lait salit 25ngut ki GNLA, na ki COBRA

Shillong, 22 Naiwieng:
Palat 25 ngut ki dkhot ka GNLA hapoh ka jingialam jong u Area Commander Rakkam D.Shira, ki la lait salit na ka jingshah kem ha ki pulit commando CoBRA bad SWAT kiba la khynra ia ka ktem rieh tngen bad ai jinghikai jong ki mynta ka sngi ha ka shnong Dangsa-Awe, kaba jngai kumba 20-25 Km eiei na Nangalbibra, South Garo Hills district.
Ki pulit ki la sdang ia kane ka jingtreikam naduh ka Sngi Balang bad hynnin ka sngi ka la mih ka jingiather kuli ha katei ka jaka hynrei ym don ba iap. Mynta ka sngi pat ki pulit, ki la khynra ia katei ka ktem kaba la thylli namar ba baroh ki la ia phet lut bad ki la lap sa tang ki khiew ki pliang, ka reshon bad ki jain ki nep, katba ia ki briew bad ki tiar ki tar, ki khlem ioh kurup tiar eiei ruh.