Wan poi ki sim Mrit

Shillong,22 Naiwieng:
U Divisional Forest Officer,Khasi Hills Wildlife Division u Bah P S nongbri ,IFS u la pynbna paidbah ba ym shah ban riam sim ne ban siat ia ki sim ki doh bad kumjuh ruh ia ki mrad ki mreng kiba la khang pyrshah da ka Wild life Protection Act,1972 katkum ka kyndon -9 jong katei ka Act. U la pynbna ba la da lap ia kiba pynkhein ia kitei ki kyndon yn dain kuna T.25 hajar tyngka lane 3 snem ha phatok ne baroh ar bad lada jia ba lap ia u juh u briew ba u leh biang kumta u lah ban shah set phatok 3 haduh 7 snem ryngkat ka kuna kaba ym duna ia ka T.25 hajar tyngka.
Kane ka jingpynbna ka la pynkynmaw ia ki paidbah dei lyngba ka jingwan poi jong ki sim kiba ju khot ki ‘Mrit’ ha kane ka Ri Lum Khasi Jaintia. Kine ki sim ki dei kiba la wan na ri lum ba khriat ka China bad ki sah ha kane ka ri naduh u Naiwieng haduh u iaiong.