Shillong: Hynnin ka sngi, U Conrad K Sangma, myntri rangbah ka Jylla, ha ka jingdon ryngkat U James K Sangma, myntri kam poh iing lem bad U bah AL Hek, myntri kam shang pyrthei, ki la ia kynduh ia U Bah Adelbert Nongrum MLA ha ryngkat bad ki Rangbah Shnong ka Mawkhar, Jaiaw, Wahingdoh, Umsohsun, Riatsamthiah, Jaiawpdeng, Mission Compound ha ka jingdon ryngkat ki riew rangbah lem bad ki samla shnong ha Secreteriat hynnin ka sngi, na ka bynta ban iakren ia ka jinglong ka suk ka sain ha ki bynta ba don sawdong jong ka Motphran ba kynthup ia ka Mawkhar bad kiwei ki jaka ba marjan.
Ki longkmie kiba ia lum lymbung ha YMCA, Mawkhar, ha ka Sngi Saitjain:Rupang
Ki Rangbah Shnong, ha ka jingiakren, ki dawa ba ka sorkr kan bthah ia ki pulit ba kin nym rung sha ki shnong ki thaw bad ba kin nym siat lyer sat khmat sha ki phyllaw iing jong ki briew. U myntri kam poh iing, u iathuh ba ki pulit, ki la long adkar shibun eh bad la iathuh ruh ba uwei u briew, uba donkti ha ka jingshoh briew ha Them Metor, ula shah kem bad mynta u don ha ka jingtohkit jong ki pulit.
Ki nongialam shnong, ki dawa ruh ban weng noh ia ki nongshong shnong na Them Metor, ha kaba u myntri rangbah, u la pynsngew ba ula wad kaiphod na ka tnat pynroi sor, na ka tnat Revenue ban tip halor ka jingdon jong ki briew kiba shong ha kitei ki jaka bad ban shim ia ki lad kiba donkam bad kitei ki nongshong shnong.