Ki shipai, ki la pynlong ia ka jingiaid pahara hynnin ka sngi, ha ka por khadwei duna ha ki bynta ba don jing ia kynad jong ka nongbah Shillong, ha ka jingialam khmat U Lt Gen DS Ahuja, GOC 101 Area. Ki don 100 tylli ki kali kiba la rah bad ki tiar iada kiba pura bha, ki la iaid hynnin ka sngi, na ka bynta ban tem ia ka jing ia kynad jong ka nongbah. Ia mynta kam pat don kano kano ka jingthmu ban dang bteng biang ia ka jingiaid pahara jong ki shipai.
Ka kyrwoh na ki shipai ka iathuh ba ha ka miet sngi thohdieng, ha ka por 8baje mynmiet, ki don 300ngut ki riew paidbah, ba kynthup ia 200ngut ki kynthei bad ki khynnah kiba leit sha ka ktem jong ki shipai, hajan Anjali Complex, ban leit wad jaka rieh bad la ialam ia ki sha Rhino Training Centre ha madan Kyrkit, ha kaba la ai ja bad ai blanket, ba kin sah miet ha katei ka jaka. U Gen Ahuja, u peit hi dalade ia ka jingbit jingbiang jongki bad ki la mih noh, ha ka step jong ka Sngi Saitjain.
Ki bar Jylla, kiba leit sahmiet ha ka kut ki shipai ha madan Kyrkit, ha ka miet sngi thohdieng.