Shillong:U Yumnam Joykumar Singh Deputy Chief Minister ka Manipur lem bad U Letpao Haokip, myntri ka tnat ialehkai jong ka sorkar Manipur, ki la leit ban kanbas mynta ka sngi ia ka u kandidet jong ka seng NPP ha Ampati, U Clement G. Momin.
U Singh bad U Haokip, ki la leit sha Latri bad ha Sonabil bad ha ki jingkren jongki, ki la pynsngew ba ka South West Garo Hills, ki dei kiba duk shibun eh bad kam don ki jaka pule kiba biang bad ki don tang khyndiat eh ki surok kiba bha. U Singh, u ong shuh shuh ba U Mukul Sangma, um shym la plie ia ki jaka pule kiba biang, namar ba u tieng ba ki samla jong kane ka thain, kin ioh ia ka jingnang jingstad.
U Letpao Haokip, u la kynnoh ba U Mukul, ula shet kylla ia la ki jong ki paidbah, namar ba ula mih noh na katei ka Constituency bad kane ka dei ka por ban ai jingsneng ia u.
U Haokip, u ai jingiaroh ia U Conrad Sangma bad u khot ia u paidlang ka Ampati, ban ai jingjop kaba don burom ia U Sangma, da kaba pynjop don burom ia U Clement G Momin.